Farming

Ffermio

Wedi ein sefydlu dros 70 mlynedd yn ôl, rydym wedi cynorthwyo cenedlaethau o gleientiaid sy’n ffermio yng Ngorllewin Cymru.

Gan dynnu ar wybodaeth fanwl, mae gan ein tîm ddealltwriaeth glir o’r heriau unigryw a’r rhwymedigaethau treth mae ffermwyr a pherchnogion busnesau amaethyddol yn wynebu.

Yn bennaf rydym yn ffocysu ar helpu chi i redeg busnes fferm broffidiol, yn addasu pan mae prisiau’r farchnad yn ansefydlog ac felly yn sicrhau parhad eich busnes teuluol am flynyddoedd i ddod.

Yn fwy aml na dim mae ein cleientiaid yn cysylltu gyda ni’n rheolaidd yn ystod y flwyddyn i drafod yn fanwl opsiynau a syniadau busnes gwahanol. Mae’n wir taw “pan mae problem yn cael ei rhannu mae’n cael i’w haneru” ac rydym yn falch bod ein cleientiaid yn gweld hi’n rhwydd i gysylltu gyda ni.

Rydym yn credu’n gryf ei bod yn bwysig i chi ymgysylltu â ni yn gynnar i alluogi chi i wneud penderfyniadau o ansawdd gyda mwy o hyder. Mae talu treth yn dod fel canlyniad o benderfyniad busnes da, ond rydym yn pwysleisio, trwy ymgysylltu â ni yn gynnar gallwn helpu sicrhau fod na ddim gorbwyslais ar bethau dibwys sydd yn aml yn arwain at ddirywiad ym mhroffidioldeb y busnes.

Mae’r canlynol yn cynnwys rhai o’r materion rydym yn eu trafod:

• Cymorthdaliadau, y Taliad Sylfaenol a gwobrau Greening.
• Eich statws fel Ffarmwr Actif.
• Cynlluniau coetir ac yn enwedig y driniaeth treth sydd ynghlwm.
• Eich cylchoedd amnewid peiriannau.
• Sut i brynu mewn ffordd effeithlon o ran treth, HP, prydlesu a.y.b.
• Gwariant ar offer a pheiriannau a’r driniaeth treth sydd ynghlwm.
• Manteision treth o wario ar slyri neu gadw silwair.
• Strategaethau arallgyfeirio, llaeth/cig/defaid/cnydau/Gwely a Brecwast a.y.b. a’r canlyniadau treth sydd ynghlwm.
• Prosiectau ffermydd solar a ffermydd gwynt a’r effaith o ran treth bydd rhain yn cael ar eich fferm nawr ac yn y dyfodol.
• Defnyddio Ceisiadau Cyfartaledd Ffermwyr fel modd o lyfnu allan yr elw hyd at 5 mlynedd er mwyn hawlio ad-daliadau neu leihau’r maint o dreth sydd rhaid talu yn y dyfodol.
• Y manteision o ethol ar sail cenfaint ar gyfer buches gynhyrchu, gwartheg stor, gwartheg llaeth, gwartheg sugno, neu ieir dodwy.
• Y driniaeth o iawndal megis TB a sut mae treth yn gallu cael i’w ohirio
• Paratoi ceisiadau gwerthoedd dibwys am arian a wariwyd ar gwotâu ac hawliau.
• Paratoi ceisiadau gwerthoedd dibwys am fuddsoddiadau sydd wedi’u difetha megis DFOB.
• Adennill TAW ar dreuliau Tŷ Fferm.
• Rhedeg G&B a’r effaith bydd hyn yn cael ar drethi cyfalaf a’r cyfoeth sy’n cael ei drosglwyddo i’r genhedlaeth nesaf.
• Y syndrom Ffermwr Dirywiedig a cholled cymorth treth etifeddiant uwch o ganlyniad i hyn.
• Canlyniadau treth sy’n ynghlwm â chael caniatâd cynllunio ar gyfer datblygiad tir.
• Triniaeth treth sy’n ynghlwm â thrawsnewidiadau ysguboriau.
• Cyfyngiadau llif arian a chydweithio gyda’ch bancwyr i drafod eich gorddraft a benthyciadau eraill.
• Manteision ac anfanteision o weithredu fel cwmni.
• Trefniadau tenantiaeth a trefniadau pori.
• Gwneud cyfraniadau pensiwn i leihau y posibilrwydd o dreth o’r gyfradd uwch.
• Gweithredu TWE ar gyfer eich gweithwyr.
• Cynorthwyo gyda threth incwm, ymholiadau TAW a TWE
• Cydweithio gyda chyfreithwyr er mwyn creu trefniadau partneriaeth, drafftio ewyllysiau a.y.b.
• Strategaethau ymddeoliad.

Am fwy o wybodaeth cysylltwch â un o’r tîm. Mae gan Tim wybodaeth eang ynglyn â’r deddfwriaethau treth sy’n effeithio ffermwyr. Merch ffarm defaid yw Sian, mae ei brawd yn ffarmwr gwartheg cig ac mae’n briod â ffarmwr defaid a gwartheg cig. Mae Dorothy yn ferch i ffarmwr llaeth. Mae Glenys yn ferch i ffarmwr llaeth. Mae Mared yn ferch i ffarmwr defaid. Felly mae gennym yr arbenigedd!